KAKAWIHAN BARUDAK LEMBUR

KAKAWIHAN BARUDAK LEMBUR

Kawih Kaulinan nya éta kakawihan barudak atawa kawih murangkalih, mangrupa sabangsa kawih anu biasa dikarawihkeun ku barudak bari arulin, boh dilakukeun di jero imah, boh di luar upamana di buruan keur kaayaan caang bulan, atawa di tempat lianna tempat maranéhna ulin. Rakitan kakawihan barudak mangrupa lalaguan balaréa anu sipatna anonim, biasana tara sarua unggal daérah sok aya baé bédana saeutik.

Kiwari kawih kaulinan geus jarang dikawihkeun ku barudak, komo budak nu cicingna di kota mah meureun geus tara pisan dilakukeun, biasana kawih kaulinan téh sok dipaké ku barudak nu cicingna dipadésaan atawa pakampungan, di daérah pagunungan. Budak nu biasana ngawih lamun keur ulin téh sok babarengan jeung babaturannana, tara sosoranganan.

ORAY-ORAYAN

Oray-orayan,

luar leor mapay sawah Entong ka sawah,

parena keur sedeng beukah Mending ka leuwi,

di leuwi loba nu mandi Saha anu mandi,

anu mandina pandeuri

AYANG-AYANGGUNG

Ayang-ayang gung Gung goongna rame

Menak ki Mastanu Nu jadi wadana Naha maneh kitu

Tukang olo-olo

Loba anu giruk Ruket jeung kompeni

Niat jadi pangkat

Katon kagorengan

Ngantos Kangjeng Dalem

Lempa lempi lempong

Ngadu pipi jeung nu ompong

Jalan ka Batawi ngemplong

CINGCANGKELING

Cingcangkeling

Manuk cingkleung cindeten

Plos ka kolong

Bapa Satar buleneng

EUNDEUK-EUNDEUK CANG

Eundeuk-eundeu cang lagoni

Meunang peucang sahiji

Leupas deui ku Nini

Beunang deui ku Aki

 JALEULEU

Jaleuleu ja tujaeman gog

Seureuh leuweung bay Jambe kolot bug

Ucing katinggang songsong Ngek ngek!

KALONGKING

Kalongking-kalongking

Bapa sia hudang ngising

Dibura ku madu kucing

Madu kucing meunang maling

Kalongking-kalongking

Bapa sia utah ngising

Beak samak beak samping

Teu cageur waktu sapeuting

BANGBANG KALIMA GOBANG

Bang kalima-lima gobang bang

Bangkong di tengah sawah wah

Wahey tukang bajigur gur

Guru sakola desa sa

Saban poe ngajar jar

Jarum paranti ngaput put

Puteri nu gareulis lis

Lisung kadua halu lu

Luhur kapal udara ra

Ragrag di Jakarta ta

Taun tujuh hiji ji

Haji tas ti Mekah kah

Kahar dua rebu bu

Buah meunang ngala la

Lauk meunang nyobek bek

Beker meunang muter-ter

Terus ka Cipaten pen

Pena gagang kalam lam

Lampu eujeung damar mar

Mari kueh hoho ho

Hotel pamandanga ngan

Nganteur anu kawin win

Winta dagang oncom com

Comel kanu gelo lo

Lodong kosong ngentrung tung

Tunggir hayam bikang kang

Kangkung meunang meuli li

Lili lewungit konci ci

Ciak anak hayam!

PUNTEN

Punten mangga Ari ga,

gatot kaca Ari ca,

cau ambon Ari bon,

bonteng asak Ari sak,

sakit perut Ari rut,

rujak asem Ari sem

sempal-sempil Ari pil,

pilem rame Ari me,

meja makan Ari kan,

kantong kosong Ari song,

songsong lampu Ari pu,

puak-paok Ari wok,

wok candewok

OLE-OLE OGONG

Ole-ole ogong

Melak cabe di Tarogong

Dihakan ku embe ompong

Diteang kari sapotong Au-au eheng

Beuleum cau tutung geheng

Embe-embe domba Anak sapi tutunggalan

TOKECANG

Tokecang-tokecang Balagendil tosblong

Angeun kacang-angeun kacang Sapendil kosong

TRANG-TRANG KOLENTRANG

Trang-trang kolentrang

Si Londok paeh nundutan

Tikusruk kana durukan

Mesat gobang kabuyutan

BULANTOK
Bulantok-bulantok

Bulan gede bulan montok

Moncorong sagede batok

Bulantok-bulantok
Aya bulan sagede batok

Bulanting-bulanting
Aya bulan sagede piring

RAT-RAT GURISAT

Rat-rat gurisat

Nini ingrat paeh diselap

Tiselap kana kuciat

Dibura ku laja tuhur

Laja tuhur meunang ngunun

Meunang ngunung tujuh taun

Kadalapan diburakeun

Nyeh prot, nyeh prot, nyeh prot….

TOKECANG
Tokecang-tokecang
Balagendil tosblong

Angeun kacang-angeun kacang

Sapendil kosong

UCANG ANGGE

“Ucang-ucang angge

Mulung muncang ka parangge

Digogog ku anjing gede

Anjing Gede nu Mang lebe

Anjing leutik nu Ki Santri

Ari gog gog cungungung.........

HUHUIAN

“Kelenang-keleneng samping koneng

Keledat-keledut samping butut”

+Saha di dapur? (ucap sang pimpinan)

- Nini jeung aki.

+ Rek ngala naon?

- Ngala hui.

+ Pek we ala!

CINGCIRIPIT

“Cingciripit tulang bajing kacapit

kacapit ku bulu pare

bulu pare memencosna

jol pa dalang mawa wayang

jrek-jrek nong”........

NGADU TETENGEK

A: Tetenggek, tetenggek kuda Persi keur anakan 2x

B: Tetenggek, tetenggek kuda lumping rarawisan 2x

C: Tetenggek, tetenggek pangatek keur didangdanan 2x

D: Tetenggek, tetenggek panganten kembang goyangan 2x

PRANG-PRING
Prang-pring sabulu-bulu gading

Ngagading ka Sunda perang

Nya perang di pangadegan

Turune puyuh hayam jago babaranten

Dikencreng-kencreng kucubung

Kucubung kuruwek dugel, mintel!

Prang-pring sabulu-bulu gading

Ngagading ka Sunda perang

Kucubung kuruwek dugel muntel

Angge-angge para jangge

Pur puyuh tina kurung

Torolong jago ti kolong

Caringin reuntas dorokdok gubrag!

PACIWIT-CIWIT LUTUNG

Paciwit-ciwit lutung si lutung pindah ka tungtung

Paciwit-ciwit lutung si lutung pindah ka luhur

Paciwit-ciwit lutung nu ti handap pindah ka luhur

SIEUH – SIEUH

Sieuh-sieuh manuk ka ditu ka dayeuh

Di dieu sagala euweuh

Sia moal bisa seubeuh

Da aya anu ngageugeuh

Sieuh-sieuh manuk ulah arek datang

Bisi nyorang kana regang

Kudu nyingkah mangka anggang

Di dieu aya pangilang

Sieuh-sieuh manuk ulah arek ganggu

Da aing anu keur tunggu!

AMBIL-AMBILAN
+ Ambil ambilan turugtug hayam samantu

- Saha nu diambil kami mah teu boga incu

- boga gé anak pahatu

+ Pahatu-pahatu gé daék

+ purah nutu purah ngéjo

+ purah ngasakan baligo

- Nyerieun sukuna kacugak ku kaliagé

+ Aya ubarna kulit munding campur dagé

+ tiguling nyocolan dagé

SUR SER

Sur ser sur ser…angeun aing acan asak

disuluhan ku kanyere…kanyere meunang meulahan

Meulahan ku peso raut

Peso raut gagang tanduk

dug dug bro dug dug bro

angeun aing gera asak